2011渣打馬拉蟲

剛過去既20/2,,係渣打馬拉松既大日子,,,,今年有d特別,,,因為呀囝話唔報喎,,,,!!咁我咪自己跑囉,,後來bulu同呀mingming又話有興趣呀,,,所以咪同佢地報埋囉,,,,!!今年真係爆得好快,,,遲少少都報唔到呀,,,,,原本報名前都好大掙扎,,,想下咁難得呀囝唔跑,,,今年好唔好跑半馬呢,,,,!!? 不過諗下諗下,,,都係跑番10公里好啦,,,,!!雖然我知跑半馬應該應付到既,,,,,不過練習既時間少,,,,跑出黎既成績未必好,,,,而十公里相對易跑d,,,同今年冇呀囝係身邊,,,可以試下破唔破到自己第一年既記錄,,,,52:xx,,,所以最後都係報左10公里,,,,!!(星魚同mingming)
賽前自己係將軍澳緩跑徑練左4次到啦,,,,!!呢幾次都有用iphone既軟件,,,,第一,二次用nike+,,,,跟住第三,四次用runkeeper,,,,,,覺得其實兩個軟件差唔多,,,,,不過runkeeper個分析仔細少少,,,於是揀左呢個軟件跑馬拉松啦,,,,!! 其實跑步有左以上兩個軟件,,真係樂趣多好多,,,,一來可以一路聽歌一路跑,,,,(不過我冇入歌落去呀,,!)二來你會好清楚跑緊時既時速,,,,咁你自己就可以調整步伐,,,,達到自己應有既水平,,,,!!跑完重可以即刻上網,,,,給自己分析下,,,,重可以落埋facebook,,,,迫自己每次都要跑好d呀,,,!!效果好似有個私人教練同有好多人給你打氣,,,,我覺得對跑步相當有幫助,,,, 起初我都冇買個耳塞,,,,,,,用番原本個head phone超唔掂,,,一路跑,,,一路跌,,,,,!! 不過跑完馬拉松之後,,,,我就買左個專用跑步耳塞奬勵下自己啦,,,,!!因為,,,,,,,,,,,!!(星魚同bulu)
講番馬拉松果日,,,果晚訓得唔係咁好,,,只係訓左兩三粒鐘,,,2:30醒左,,,,不過星魚太就好好,,,晨咁早就較定鬧鐘煮烏冬我食,,,,,食完之後真係心都暖埋,,,,好多謝您呀,,,星魚太,,,,!!

(左起mingming,,,中間星魚,,,,右:bulu)
原本我係唔會咁早去既,,,因為bulu同mingming第一次,,,,咁就早少少等佢地預備下啦,,,,3:30去到地鐵站,,未開喎,,,,跟住想行過去調景嶺,,,,,不過行行下見四圍寂靜一片,,,,,又有幾個飛型青年係附近,,,,自己又聽住iphone,,,(你地知啦,,,,拿住iphone行其實係極危險架麻,,,!!)加上將軍澳童黨問題壓重,,,,諗諗下即刻掉頭,,,,,行番去地鐵站,,,行緊時個心都好驚架,,,,唔知班飛型青年有冇跟住黎呀麻,,,,!! 等到4:00,,,地鐵終於開啦,,,於是我就會合bulu同mingming係維園啦,,,,!到達時維園四圍都係人,,,,我地就立刻做足事前準備,,,,換衫,,,影相,,,,貼上號碼布,,,紮晶片係鞋帶上,,,第一次跑長跑,,,佢地都好興奮,,,影相都影左好lor,,,(幾大個行李包)^^

我地行上起點都比較遲,,,,,,所以起步也比較遲,,,,!!比較遲既結果就係前面起多人呀,,,,我地一開跑真係差唔多好似行緊咁,,,,!!一路上我講俾佢地聽要留意既事,,,,因為自己覺得今早狀態麻麻,,,所以都唔急加速,,,!!不過跑跑下覺得可以快d啦,,,,於是就放luck佢地,,,,自己玩越野戰啦,,,,,!!係馬拉松過人真係一個又難玩又好玩既遊戲,,,,,一邊你又驚碰到人,,,一邊你又要揾空位攝,,,難度分相當高,,,,不過可以過到人心情又幾暢快喎,,,,!!所以越跑就越興奮,,,聽下iphone傳黎既聲音,,,,1公里又比前1公里快喎,,,,!!更加好似加左油咁啦,,,,!!跑到五公里處,,,,睇睇時間,,,,又唔係咁差至喎,,,,同平時跑將軍澳差唔多!!24分幾,,,,,依,,,,心諗如果加快步伐都有機破第一年紀錄喎,,,,於是就,,,,,,,,,,,過呀過,,,,,有時重跑埋出跑道,,,,因為那冇咁多人,,,,,可以好自然咁跑,,,,,,,一路聽iphone個提示,,,,,真係越黎越快喎,,,!!跑到近最後2公里處,,,,,見到就到維園啦,,,,自我加油跑快d呀,,,,!!再跑到近避風堂處,,,還剩1公里多,,,,睇睇個錶,,,,41分鐘,,,,,依,,,!!今次有戲啦,,,,!!見前面突然多左一個著得好pro既運動健將,,,,,一於揾你做電兔啦,,,,估唔到隻電兔跑得咁快,,,,係咁追係咁追都追唔到,,,,到左直路衝終點啦,,,,見都係爬唔到佢頭啦,,,保持速度算啦,,,,!!結果就咁過左終點,,,,睇番個時間,,,,47:xx,,,(事後晶片顯示係47:17)開心到我呀,,,,!!^^ 係度要好多謝事前煮愛心烏冬既星魚太,,,,,!!有您既支持,,,我先做到呢個咁好既成績,,,,!!當然亦都好感謝天父啦,,,,!!俾個咁好既温度同濕度我地,,,,,,,!!哈利路也,,,,!! 希望明年再破今年成績,,,,,,!!大家繼續努力呀,,,,!!
(P.S. 就係因為今年破左自己紀錄,,,奬自己一個跑步耳塞呀,,,!!以後跑步唔洗跌下跌下個耳塞啦,,!!^^)