俄羅斯旅遊紮記8

7/8/09 陰

一早我地就去酒店旁既TEPEMOK食早餐,,,,,地方係係一間商場裏面,,,所以都坐得幾舒服,,,不過原來係冇HONEY BEER飲既,,,有少少失望,,,,,!!之後我地計劃去俄羅斯既國家農業展覽廰,,,,然後再去科洛莫莊園,,,
我地搭地鐵到目的地,,,,但一上到地面,,,,,死啦,,四面都咁上下既,,,,行邊個方向呢,,,,身為指南針既我,,,,竟然突然失去左工能喎,,,,!!星魚囝呢個時候突然同我講,,,,呀爸,,,呢邊呀,,,你睇,,,,係咪呢個尖頂呀,,,,,!!吓,,,,睇睇,,,,,真係喎,,,,!!跟住佢就沾沾自喜咁帶領我地去個尖頂地方啦,,,,!!
(呢個就係大空館啦,,,幾宏偉,,,!!^^話時話,,,天氣真係好好呀,,,)
其實個尖頂就係莫斯科既太空成就紀念碑黎,,,,!就係紀念碑前有一個九大行星既模型,,,我地好八卦咁過去模下個展品,,,,
(好年輕好好學,,,講得好流利普通話既俄羅斯男女,,,,,希望可以再見啦,,,,!!^^)
忽然間,,有個操好流利普通話既金髮少年男女行過我地身邊,,,,講一聲"你好嗎!!"依,,,俄羅斯人都識講咁正既普通話既,,,,跟手,,,緊係我用半鹹淡既煲冬瓜用佢寒暄下啦,,,,言談間,,,原來佢地係係南京大學讀書的,,佢地揭起外衣,,,,一件南京大學既衫露左出黎,,,男既就讀法律,,,女既就讀中國經濟,,,,好好學既一對年輕人呢!!傾左一會兒,,,我地就說再見呢,,,
(展覽廳既建築物都好大吓架,,,,,!!就係呢度,,,我地走到冇氣透呀,,,,,!!蕉面呀,,,!!)
跟著,,,我地去左國家經濟展覽館倒行街街,,,,入到去門口,,,發現裏頭地方非常之大,,,,而展廳亦分成好幾部份,,,,,行得累累地,,,,我地都揾下野食,,,,第一樣入口既,,,係大肉腸一條,,,,,都幾特別,,,再行入幾步,,,見到一間掛滿串燒既鋪位,,,,見個價錢係$130盧布,,,,諗住都ok喎,,,!於是就坐低啦,,,我地都驚語言不通,,,,先用英語問清楚d,"係咪130盧布架",,佢猛up頭,,於是我地就坐左係位到,,,等一陣,,,,佢又問我地要唔要點醬,,,,我地因為驚要加錢,,,所以都係堅持唔要,,,,,到左盤串燒放上枱啦,,,依又有醬既,,,,於是,,,我地唔敢食住,,,問下佢我地要俾幾多錢先,,,點知佢話要1200盧布喎,,,,,!!嘩!!當我地水魚呀,,,!!於是我地即時彈開,,,走頭,,,,,,我地一路走一面心都跳埋,,,,,希望冇人追過來呢,,,,!!,,,當我地走到比較遠既地方時,,,,睇睇附近既串燒,,,都係500盧布到,,,,呢間都算係謀人寺呢,,,!!好彩到最後都安全行出門口,,感謝主呀,,,!!^^
跟住我地就行埋太空成就展覽既"門口",,,當然冇入內啦,,,,,因為要$麻,,,,,,我地只係入下佢既厠所咋,,,,!!
(好漂亮既科洛莫莊園呀,,,,,!!呢個係個大教堂,,,,好清雅架,,,!!)
之後我地再乘地鐵到科洛莫莊園,,,,該處是以前既皇帝渡假既莊園,,,,裏頭當然有好多古典既建築物啦,,,!!裏頭重有一個好大既蘋果園,,,,見到有個老婦真係拾起地上既蘋果,,,重跟住一口咬落去TIM,,,,唔知甜唔甜呢,,,,,星魚囝都開始玩拾蘋果遊戲呢,,,!!
我地回到酒店旁既便利店,,,,又食了一大隻燒雞加啤酒呢,,,,!!^^