台灣清晨杯之旅-觀光篇

去旅行就一定要住旅店架啦,,,,呢次我地係網上面選左呢間叫喬美旅店黎住,,,,皆因佢非常之平,,,,平均大約港幣500一晚,,,算是十分超值,,,,,!!
由係台北機場落機一刻,我就盤算緊點去旅店呢,,,,!?於事我落機就即刻選用台灣無即上網套餐,,,$138一日,,,,貴就貴d,,,,試下咁先進科技,,,,好難得架,,,,!!
係機場選巴士入市中心,,,,差點唔見行李呀,,,皆因有太多選擇,,,,,又唔知邊條線最近我地酒店,,,,,選左之後,,,我地話走就走,,,,我推緊件行李都唔記得拿,,,,,,感恩,,,,過左一陣老人痴呆又好番,,,,,,記起件行李,,,於是飛奔回去原位,,,,,件大行李原封冇人動過,,,,,真係要哈利路也呀,,,!!^^
上巴士後,,我用googlemap上網,,,,兼睇埋實圖,,,,,心裏很是踏實,,,,落車一看就知自己應往那裏行,,,,!!重有GPS定位,,,,,真係旅行無憂呀,,,,!!^^
去到房間見到個環境,,,,,都唔錯喎,,,!!

圖中呢個係厠所去水制,,,,大小二字好過隱呀,,,!!^^
還有,,,我地旅店既交通,,,通常都係搭地鐵,,,,不過去地鐵站都要成10分鐘,,,,
拾地鐵用既票,,,同好多地方都一樣,,,,,,係一個膠幣,,,,!!
佢地既地鐵同香港其實都係差不多,,,,台北車站係一個中轉站,,,可以係呢個站轉好多條線,,,,,,
不過下圖呢一個係火車站,,,,當日我地向九份出發,,,,,睇睇點去先,,,,!!
出發去九份當日,,天色陰陰,,,我咪左好LOR書,,,,點知都係搭錯車,,,,原本諗住去端芳站轉巴士去九份,,,,點知坐過龍去左基隆站先,,,,白白多花一個鐘時間先去到九份呢,,,!!

不過我地去左一個叫金瓜石既地方先,,,,因為我地乘既巴士經九份去金瓜石,,,,果度有個黃金博物館,,,,可以淘金,,,,,呀囝話好想去,,,,好啦,,,,就去左果先啦,,,!!
前面個山其實有個故事,,,等我摷下再同大家講呀,,,!!^^
金瓜石黃金博物館係依山建造的,,,,,以前係一個金礦,,,,而家就開放俾大家懷代一下以前既日子呢,,,!!
呢舊就係聲稱世上最大既金塊啦,,,,!!咁都俾我摸到喎,,,!!最衰個洞都咁細,,,,,唔係攞番屋企就開心囉,,,!!^^

淘金第一步係攞金沙,,,,,係我地前面既就係基隆河拿上來既泥,,,,,,,佢地話一定有金喎,,,!!
一於一人攞一碟先啦,,,,!!^^
之後係條水槽洗呀洗,,,洗完再洗,,,,衝走D沙粒就可以見到D金啦,,,,因為金既比重好高呀,,,,你地睇,,,,我地有金執呀,,,!!
要好留心先會見到所謂"金"架,,,,,!!
九份係一個山區黎,,,,,,日治時代係好興旺既地方,,,,,但當初得九家人係度住,,,,所以分東西食都係分九份,,,所以得名,,,,,呢度咁出名,,,要多得一套戲,,,,就係梁朝偉同伊能靜演既悲情城市,,,,,原來係度拍架,,,,,我都未睇過TIM,,,,!!
佢成條街都係掛滿燈籠,,,,重好鬼多野食TIM呀,,,,!!^^
呢度就係悲情城市拍過既地方,,,,,,!!
同老婆呀囝係度四圍食呀,,,,,!!^^街道相當企理,,,,,!!
因為地處半山,,,望出去重見到海景架,,,,,
影完上面幅相,,,我地就到九份既巴士站,,,搭車到基隆,,,,,,大概1個鐘就到,,,,,
落車行去夜市,,,,非常咁旺,,,,,感覺好似廟街,,,
重有好多食品選擇,,,,,揀食都係一個幾難既選擇黎,,,,我地來來回回先揀啱心水,,,
呢條就係基隆市既食街啦,,,,!!

第二日 天晴
我地去左淡水玩,,,,搭車都幾方便,,,,,係地鐵搭到尾站就係啦,,,,,落車見個站起得好靚,,,,緊係影番副相先啦,,,!!^^
人有三急,,,,車站個厠所都幾大,,,,,裏面都好多人幫親緊,,,,,於是緊係辦公緊要啦,,,,! sui 緊既時候,,,,突然有位呀姐穿制服係我身邊走過, 嘩,,,物咁自然既,,,,,完全當我地d男人冇到喎,,,,!!重好勤力咁清潔tim,,,,!!好專業呀,,,!!睇下呀姐既年紀,,,,都唔係好大,,我諗都係3,4十歲左右,,,
淡水有條老街,,,就係車站行7-8分鐘就到啦,,,,,條街好熱鬧,,,,,兩旁有好多台灣特色食品,,,,,又有好多紀念品出售,,,,,
圖中就係老街既入口,,,,,
過左老街,,,如果你有腳力既話,,,可以一路行去漁人碼頭,,,,,途中都係沿海道路,,,一邊吹住海風,,,,拍拖談心一流,,,,,可惜我太座同星魚囝就冇呢d咁既興致啦,,,,,最後都係乖乖搭巴士算啦,,,,!!

漁人碼頭感覺十分舒服,,,,對著海已經大大加分,,,,,還有不錯既天氣,,,,,同好大既廣場,,,,,重可以租單車玩tim,,,,,
呢個節目其實係我學校既同事Miss Chu介紹既,,,,,!!去到緊係要玩下啦,,,,!!
我太座就專心拍攝日落相,,,,,睇住個鴨蛋黃,,,,,一路踏單車,,,,同呀囝斗快轉圈,,,,,欣賞下海景,,,,,吹下海風,,,,人生重有物野要求呢,,,,!!^^
影完呢一副相冇lor,,,,個蛋黃就俾低層既雲遮蓋住啦,,,,!!不過這一刻好美呀,,,,!!
踏完單車,,,起程回家囉,,,,!!風景依照好美呀,,,,!!

由拍過"惡作劇之吻"既"情人橋"處望番"漁人碼頭",,,,,!!
一個台灣之旅就係呢個咁靚既夜景中結束啦,,,,很是滿足呀,,,!!感謝主俾我地呢個咁完美既旅程呀,,,!!^^