俄羅斯旅遊紮紀1

今次去俄羅斯之前,,,,,聽到好多人話個邊治安好差,,,,,我睇網站又話要小心財物,,(唔係咁差呀,,,老婆買左飛啦喎,,),,見有人跟團又話個導遊一日提團友二十幾次小心扒手,,(依he又黎,,,,唔好咁講啦,,我會驚架喎,,,,),,,又有朋友話個邊會周街搶小朋友同女人,,,,,,(咁都得,,我同囝囝,,,老婆同佢家姐一行四人一齊去架喎,,,,!!我一個點保護到三個呀,,!!如果係搶,,不如剩係搶我一個好過啦,,,,,我心諗,,,,!!)跟手睇到網站講左一則疑似警察追趕一對香港遊客九條街故事,,,,我打開波班波友仔有個10幾年前去過既,,,又話佢地俾當地警察掘錢,,,,,唔係呀,,,古惑仔就當然要提防啦,,,,!!連正義既警察都係咁,,,,!!

最後,,,臨出發前又收到朋友從朋友電話,,,,,,見到警察,,,,要速逃,,,,,,!!

就係咁,,,,,我呢次俄羅斯之旅,,,就係係咁既氣氛之下出發啦,,,,,(死啦,,,,唔知可唔可以齊齊整整番到黎呢,,,,!!@@)

31/7 天晴

一早九點到了機場,,,,,家姐(我老婆既家姐)永遠係最慢既一個,,,,,check in 小姐話飛機大閘會準時10:30關起,,,,我地三個無理由係度等佢架,,,於是入左去check in先,,,,之後到25號閘口,,,,揾個位慢慢坐等下先,,,,一坐低,,,睇到好多同機既朋友,,,,一眼見到好多打扮入時既俄國女人同男人,,,最後先見到少少中國人,,,,等到10:15,,,,,最後家姐終於到啦,,,,,(幾驚佢趕唔切呀,,,,!)上到機,,,,,發覺俄航都ok呀,,,,飛機係空中巴士黎,,,有三排坐位,,,,我地三個坐正中間一排,,,,不過我個囝就慘啦,,,搭10粒鐘都冇電視機同遊戲機玩lor,,,,,!!@@,,,家姐因為遲到,,,,,被編到機尾最後一排,,,,,,!!飛機開機後,,,空姐就派毛氈,,,,,後來我地先知呢張野對我地係何等既重要呀,,,,,!!!機倉內由起飛開始,,,一路開行冷氣,,,,我地開始要用張被啦,,,,,,,不過就算用左,,,都凍到呀媽都唔認得呀,,,,!!俄航d空姐果然好特別,,,,個個都好成熟,,,,,,!!^^我亦都開始認識到俄人既特質,,,,(笑容好少出現係臉上,,,,唔會對人好熱情,,,問一句答一句,,,,對時間掌握得有效率,,,,,!!)可能呢d同佢地經濟文化背景有莫大既關係啦,,,,,!!10個鐘真係唔易過,,,,,佢地其實有電視既,,,,只係間一段機倉頂就有一個啦,,,,!!到尾段時間,,,,,飛機無啦啦又播電影喎,,,,咁都好啦,,,,睇下係邊部荷里活電影先,,,,原來,,,,係一套黑白既俄制港式殘片,,,,成套用俄文,,,,,,,都有英文字幕既,,,,!!唉,,,,唔通又係俄式既傳統文化黎既,,,,,,,!!咁落後,,,落機唔知會點tim,,,,,!!

都差不多落機啦,,,,隣坐有兩位中國小妹,,,用普通話問我地有冇填入境form,,,,,我就用我d很爛既普通話答冇收過空姐派喎,,,,!!原來佢地係大陸黎莫斯科學piano既,,,,,嘩!!!,,,好有靈氣呀,,,,!!重有個中國男仔一路望著我講野,,,,(落機後先知佢黎係為左做生意,,,,)跟著落機,,,我地既惡夢就黎啦,,,,,!!我地check in足足係海關排左個幾鐘,,,,原來入境form係海關前枱面至有,,,,!!重要係唔夠派tim,,,,我用英文問海關攞,,,,佢講左一堆俄文,,,,但又冇俾我喎,,,,,下,,,,咁點呀,,,!!?等左一陣,,,,,佢地又轉頭拿了些入境form出黎,,,,,於事成班遊客好似七月節派米咁,,,,,!!唉,,,,,我又認識多一點俄人既文化啦,,,,,,等到差不多成個鐘,,,,,見到有d團領隊好有計,,,,,!!唔知用物方法,,,,,帶住班鴨仔由特別通道入境,,,,,,不過又唔係個個領隊都得喎,,,,,有d都係好似我地咁,,,,望咁移動得好慢既人龍,,作長久戰,,,,我想,,,我都算就有耐性架性,,,,,之前我心信我一定可以平靜咁過呢一"關"既,,,,但俄個海關做事,,,,,真係一絲不苟呀,,,,!!平均每個護照俾佢,,,,佢都check成7-10分鐘一個,,,,,,!!我冇講左好lor既粗口,,,,,最終都脫口而出啦,,,,(講完之後,,,,舒服左好多,,,,,),,,,之前亦聽過俄國海關曾出紙仔話自己剛剛生完仔,,,屋企無錢,,,問旅客俾$20美金佢得唔得,,,,,感恩,,,,我地四個遇到的海關都未生仔,,,,,!!^^過了海關,,,我地趕住搭內陸機由莫斯科到聖彼德堡,,,,,,於是我地四圍問人點去transit機場,,,,見到人生路不熟,,,又要開始提防有古惑仔,,,,,,其實都幾剌激下,,,,,最後我地係機場門口問左個機長,,,,,同係車站見到個機場亞姐,,,,佢好好人咁叫我地係度等車,,,,,我地第一次感受到俄國人既熱情呢,,,,我地搭817號巴士到terminal 1,,,,然後排隊check in,,,,,下又check in,,,,剩番時間唔係好多咋喎,,,心中又諗會唔會趕唔到呢,,,,,不過,,,,坐內陸機係唔洗過關既,,,應該會快d,,,,,,但排到隊,,,原來又唔係一件事,,,,,,佢地原來對check行李都好小心,,,,,連鞋都要除埋,,,,,排隊時,,,我見到好有趣場面,,,,d旅客將行李好似包食物咁,,,,用保鮮紙一層層咁包,,,,,不過係俾錢用機包個隻,,,,,,,然後至過關,,,,,,目的大家知啦,,,!!^^

(呢架就係我地係莫斯科飛去聖彼堡既內陸機喎,,,比想像中先進呀,,,,!!不過d機師唔知係咪楂慣戰機,,,,掟彎好刺激呀,,,!!我好似隻麻鷹呀,,,!!安全著落時全機人拍手掌呢,,,!!)
去完courter check in,,,,,,我地就立刻上機啦,,過程都好順利,,,,飛機係細機,,,只有兩排三坐位,,,,,我就選了一個窗口位置,,,,,飛機師開著引擎,,,,全速向前,,,,飛機亦慢慢咁離開地面,,,,我好喜歡搭日頭機,,,(其實當時已經係20:30,,,,不過重好似中午咁,,,,,,)因為可以見到地面既景色,,,,,情形就好似睇緊google earth咁,,,,,地球真係好美架,,,,,還有,,,,雖然我冇翼,,,但同雀鳥一樣,,,係高空自由飛翔,,,,無得頂呀,,,,嘩下,,,,講講下,,,,,物呢個彎轉得咁急既,,,,,,唔知係咪俄國人喜歡飛行既關係,,,,機師差不多到聖彼德堡之時,,,,片了幾個彎,,,,,我真的有做麻鷹既感覺,,,,,!!飛機當然亦震得比較利害,,,,,直至飛機著地,,,,全機人鼓起掌來,,,,,,物咁得意呢,,,,!!我老婆問呢d係咪俄國人傳統黎,,,,,,!!

(呢間就我係我地到達俄羅斯第一間既酒店啦,,,,裏頭空間好大,,,房間設計一流,,,可惜就離市中心遠小小,,,不過價錢平喎,,,你重想點呀,,,,!!^^)
落了機,,,,我地就見到舉著vivian leung牌既司機,,,,(之前同酒店預約的,,,,)我地第一日既行程終於可以放鬆下啦,,,坐左20分鐘車,,,,,到達聖彼德保Petro sports hotel門口,,,,check in回房間休息,,,,依,,,,設施真的唔錯呀,,,,!房間亦好大好舒服,,,,,嘩下,,,,物23:00個天重未黑齊既,,,,又係俄國一個特色喎,,,,!!^^