我是評述員^^

剛剛在過去的星期六,是全年第一個羽球比賽的開始,第一個比賽就是馬來西亞公開賽,好幸運,老婆當日大開綠燈,俾我睇足全場(其實係因為佢太累,囝囝同佢都去揾我呀公),真係開心得我呢!^^

看羽毛球比賽對我來說,真是一種莫大的享受,因為可能我球技比較屎,所以在當中我能夠有十分多的得著,當中的細膩既技術,睇得我血派沸騰,真想立刻拿起球拍來試一試,有時技術唔好,真係一種福祉,,,,我睇每一個球手,都有值得拍手欣賞的地方,,想想換個角度睇,如果我是世界第一的林丹,同我一樣的在看同一場比賽,他肯定悶到會訓著呢!

其實看羽毛球比賽時不單單在看到好球時感到欣賞的快感,有時從自己的角度看看,分析每位球員的特質,比賽中的心理狀況的起跌,當中如果能培養出獨到的觀測力,比對起電視機裏的專業評述員的口徑,如果能和他有一樣的共識,這也是另外一種樂趣呢!,如果還可以比他早察覺一點,那種自豪感自不可言喻呢!當一個評述員其實真不容易,要在那麼多觀眾面前評論一場比賽,還要在整個過程都不沉悶,著實不是一件簡單的任務,要當一名好的評述員,難度想當然更加大呢,,,,!^^

我在發夢,如果一天我不能打球的時候,如果能當一名羽球評述員也不錯呢!!

前程錦繡!!

今天有個中三學生,突然拿了一張表格給我看,睇睇,原來係職業訓練局的入學表格,他雖然平時表現得比較頑皮,但其實只是外表裝出來的,個性其實都很乖巧的,於是我就同佢講,讀書其實一定要有興趣,有興趣自然讀得開心,讀得投入,至於讀什麼都不重要,不要理會世俗眼光,都係老土個句啦!!!可惜好多中學生及大學生,選科時都只顧將來賺錢易的科目,就算心裏明明不喜歡的都照選下去,試問這樣怎能活得有生氣來呢!!希望你真係揾到佢自己既興趣啦!!祝主恩常偕^^
有時看番自己真係有很多很多東西要感恩!可以找到自己有興趣既工作,更加找到自己既專長,又可以在有力氣時去了那麼多自己想去既地方,真係主恩滿溢呀!!多謝boss!^^

我地一切玩啦喂!!

星魚在教會裏的侍奉,是帶小朋友玩遊戲,呢個job我只係帶了幾次,頭一次的確會很緊張,因物野都唔係好識,好彩有教會的弟兄姊妹幫忙,才可以勉強順利過渡^^好感恩,雖然每次都聲嘶力竭,但每次見到小朋友滿足既笑容及聽到開心既笑聲都令我很滿足.

每次集會中都會有一些突發事件,例如有個別小朋友發脾氣,或他們玩得太投入而跌到受傷等等,這樣你就要立即停止遊戲,看看怎樣處理每一件事,大家都知啦,我的頭腦動得比常人慢^^幸好每次都順利過渡,而且我亦慢慢地適應這份job,更加知道遊戲中的要求,很是感恩呀!

在剛剛過去的主日,因負責遊戲的姊妹家人病了,要找人代為負責,小弟當然義不容辭答應了,如果像最初的我,肯定會緊張到不得了,但今次就算只得半日的預備,心也是很平安的,當然我亦要多得我身邊的兩個天使,星魚太同星魚仔呢^^! 星魚做正經野就唔得者,玩就絶對冇問題架!大家多d揾我去玩呀!唔該^^!

番梘的啟示!!

唔知大家中學時做過番梘未呢!?呢個應該係好普通既實驗,我亦做左十幾年啦,不過,我每年都唔多睇個老師就預備儀器,今年諗住都會冇物事啦,但老師同我講做極個樣品都唔似番梘,我反應得好不理解,呢個實驗每年都做架啦,點會有問題既呢,好!等我親手試下先,,,,,,,,!初時我地用牛油黎做,用氫氧化鈉煲d牛油,層牛油同氫氧化鈉一滾我就熄火,再加鹽水,依!點解都唔係一舊舊既,死啦,真係做唔到喎!於是,我就跟手用蓖麻油(castor)做,不過呢一次好有耐性咁煲,大滾之後再收細火煲,menu話要等足20分鐘,我就一路望住個火等足19分鐘,結果果然係個面到出到一舊舊野,嘩!好開心呀!
不過心裏諗,唔通剩係蔥麻油,牛油就唔得,於是我就換左牛油黎做,一路煲一路好期待咁昅實,過了20分鐘,點解冇野睇既,唔死心,煲你lor d先,點知到了30分鐘,我最想見到既俾我見到啦!好開心呀!
就係呢個咁普通既實驗,另我忽略佢,雖然對左佢十幾年,今年特別開心!!!
有時諗住自己有番咁上下資歷,好多實驗應該冇問題啦!!結果就係呢一個咁簡單既番梘實驗玩到我dum dum轉!不過佢教曉我好多野呀!^^多謝呀番梘!

誰都有犯錯的時候,有時是出於我們的疏忽大意,有時是出於我們個性上一些無法克服的缺點.
因為這些錯,我們白白吃了許多苦頭,失去許多機會,浪費許多時間,走了許多寃枉路.
其實,錯誤對我們並不全然是種損失,怕的是我們執迷不悟,一錯再錯;怕的是我們一直把自己沈溺在懊惱悔恨中,不敢自拔.
如果我們因為這些錯誤而有所警惕,有所分辨,有所取捨,有所矯正的話,那麼,錯誤簡直就是教導我們長成,攖取經驗,邁向成熟的老師了.
也正因為我們知道自己會犯錯,知道自己仍然不夠完全,在面對他人的無知以及所犯的錯誤時,是不是也可以有一顆比較寬廣的心來包容呢?

杏林子

馬拉松練跑札記

昨天因為學校考試的原故,所以一早便回家,,,囝囝亦好早番到屋企,星魚見天氣幾好,下個月又要跑每年一度既渣打馬拉松,於是就靈機一觸,不如同個傻仔練下跑都好喎!於是就著他穿起跑步裝束,不過到最後,佢都著左長褲同長袖衫加一件小風褸,冇計!同佢講左架啦,佢都係咁堅持,不過最抵死既,係佢重要帶一大包紙紫菜去,大佬跑步喎,帶咁大包紫菜做物呀,不過最後我都好尊重佢(其實係唔理佢)尤得佢帶囉,條件係最後唔好要我攞就得啦!
在起步既初時,我原本諗住第一次練,算啦,由寶琳跑到坑口來回咪算囉,我就同佢講由佢選,一係就到坑口,一係就轉將軍澳一個圈去到調景嶺維景灣畔,點知個傻仔選左維景灣畔喎!我就同佢講成要跑成五公里,好遠架喎,電唔電架,佢話冇問題,好!!就咁,不過你唔好最後要我攞你d衫同包紫菜呀!
開始時,我就按著個計時表,計下要幾lor先跑完,昨日天氣好好,黃昏既時候,淺紅色既夕陽映照高空既白雲,顯得非常咁靚,重見到少有既空氣能見度tim,一路跑,一路欣賞,真係一大人生享受,個紫菜仔將包紫菜收係衫裏褲頭夾住,慌死佢跌落地,起初十幾米跑得好開心,之後就死下死下啦,嘩!長跑黎架,咁快做物呀,要慢d,注意呼吸,腳踭觸地先,之後他就跑得好d啦,斜陽映照到坑口既大厦,亦都好靚呀,真係感恩我可以出黎跑一跑呀^^跑坑口時,紫菜仔小奄痛,好正常者,頂下啦,跑多陣就冇事架啦,但佢已經放慢腳步,畢竟,佢都係第一次練者,好啦!慢d啦!佢一路叫痛一路跑,我同佢講:唔痛先話我知啦!跑到維景灣畔時,我地就休息了幾分鐘,他當然第一時間攞他的寶貝紫菜出黎補充體力啦,我就到ok店買我最喜愛既飲品寶礦力啦,當然我地大家都好大方,各自攞寶貝出黎一齊分享啦!呀,唔記得講,當時他已經將他的外衣連同紫菜給我代拿啦,真係俾佢激死!
休息完再起步,雖然他很累,但我說他已經一步比一步近屋企啦,快d踏步啦,冇幾lor,就跑番到寶琳呢!
時間係57分鐘五公里,第一次跑,幾好呀,完成到都好叻架啦,下次要快幾分鐘^^

激戰大埔球會!!

呢個貼文其實應該係9/12寫既,,,皆因當日係我地球會舉行第二次對外比賽,,當日整個過程真係好感恩,,,,好順利,,,大家又學到好多野,,,,^^
當然在事前的籌備工作也不少,,,,,當中過程都唔好話輕鬆,,曾經有一個問題,,,我同我球會的委員激烈討論,,,,,幸好,,,經過三次馬拉蟲式辯論,,,,終歸都有個結果,,,,雖然攞唔到一個一致既意見,,,但終歸大家都有一個共識,,,,大家都可以透一透氣,,,,^^哈利路也,,,!!
雖然辛苦準備,,,但當睇到當日的景況,,,,再辛苦也覺得值得的,,,當日比賽時間在主日下午1時至5時,,,我地廣田會12時多已經到場啦,,,,做好熱身,,,,到了大概接近1時,,,大埔球會的會員也到了,,,,球場亦都熱鬧起來,,,,對方的領隊很是專業,,,,每件事都好細心安排,,,,做事時亦好認真,,,,小弟在當中學到了不少,,,^^
在場邊,,每位球員都落足心機準備將要面對的賽事,,,熱身,看看對手比賽,,,和同伴談論賽事的策略,,,或看好球時拍掌表示欣賞,,,,好不熱鬧,,,,!!
在整個賽事中,,,,有一件事很觸動我的心的,,,我們的比賽是由1時到5時,,,足有4個鐘,,,,有些球員都大嘆等出場的時間太久啦,,,,!!但是我卻看到兩位球友,,,,雖然全場都冇波打,,,但卻坐足4粒鐘,,,,還很留心每一場賽事,,,,他們對羽毛球運動的熱誠,,,真係好值得小弟欣賞呀,,,,!!我地都要向他們學習學習呢,,,,!^^