媽打麻甩蟲 ,,,,,,

昨日真係好值得紀念的一日,,,,,我同呀囝第一次跑完十公里的渣打馬拉松賽事,,,,感謝神在跑道上一直咁保守我地兩個,,,^^

昨天早上3時我就醒左啦,,,,都唔知點解!!訓到5:00起身,,,好鬼急咁洗面,,朗口,,,刷牙,,,,執衫,,,叫醒呀仔,,,食蕉,,,,物都齊,,,,,!!呀囝比平時快起床,,,,(平時我要和他博斗10分鐘佢先肯落床,,好感恩呀!)因為約左的士5:30係樓下等,,,,,跟住接埋一個朋友去尖沙咀,,,,,,

去到尖沙咀,,發覺比往年靜好多,,,,,可能係落微雨既關係,,,,往年同一個時間,,,尖沙咀塞到全部都係的士,,,,我地在尖東下了車,,,跟著向彌敦道方向行,,,,一路都開始見到有些人在熱身,,,一路行,,一路多人,,,,,,去到彌敦道就開始見到people mountain people sea啦,,,,,!!我地一路行到亞厘士畢道的行李處放低行李,,,,,途中見到有間賣adidas既鋪頭開左,,,,開埋大聲公同音樂教人做熱身喎,,,,又幾有節奏感喎,,,,攪到我都身陏陏tim,,,,,,跟住我地又行到起點處,,,,因為時間早,,我地排到最頭的位置,,,,連個d跳舞餘慶都睇埋,,,,氣氛好好呀,,,,時間一秒一秒咁接近開始啦,,,我個仔就話啦,,,,爸爸,,我諗一陣都係搭巴士番終點架啦,,,,我心諗,,,唔好gum,,,,我唔想搭巴士番喎,,,,,而我隔離個朋友就好緊張,,,因佢第一次參架,,,,唔知自己可唔可以完成整個十公里,,,,,我就同佢講左沿途應該點跑,,,同享受個過程,,,千其唔好程強,,,,,

我重見到好多唔同既情境,,,,例如一個呀爸推住架嬰兒車,上面坐住個好cute既小朋友,,重係我地前面好投入咁做熱身,,,我真係好佩服佢呀,,,個bb又真係好幸福呀,,!!

又見到好多年輕少 艾,,,,,身上穿著唔同既運動裝,,,,(當然大多數布料都好少架)款式重多到你講都唔信,,,,有d到而家我都諗唔明點解可以係做到運動既,,,,,例如我見到件得一個圓環扣係背脊中間,,,然後好多一條條黑布線四散咁包住前面,,,,物咁,,,咁都得!!!真係讚嘆設計師既創意,,,同著件衫個姐姐既勇氣,,,,

嘭一聲,,,,將我地緊張既心情化為向前踏的腳步,,,,,,一個個忘記背後,,,向著前面直跑,,,,,我同呀仔都好興奮咁提起我地既腳步,,,,,我地沿住彌敦道跑到摯天半島處,,,,突然有個工作人員姐姐截住我地,,,,,我心諗大近視啦,,,,,唔通就咁跑完十公里,,,,!!姐姐同我地講小朋友唔可以參加架,,,,,但我好疑惑咁同佢講,,,我連bb車都見到喎,,,,佢係我前面跑緊,,,我又見到好多重細個我個仔既都係我前面跑緊,,,,,但我個仔就唔得,,,!?佢話佢地會係前面俾人截停架啦,,,,但我眼前面只係見到一個個咁跑緊西九龍快速公路,,,,當然我好守規則即時行出跑道,,,,同呀仔講,,,"今年可能跑到呢度呀",,,我地行左邊幾十尺,,,見前面有個空位,,,,見冇人就攝番入跑道啦,,,,,^^呀仔同我都好開心,,,,,

一路跑到入西隧,,,,人頭湧湧,,,,,呀仔第一次用隻腳過西隧,,,,感覺好超然,,,我驚佢跑唔完(因為己經5公里啦,,,我從未同佢跑過呢個距離),,,咁就係咁同佢講"加油"啦,,,,佢同我講,,"爸爸,,,唔好講啦,,,我自己跑得啦",,,,嘩,,嚇得我呀,,,,跟著一路跑,,,一路有好多叔叔,,,,姐姐,,,,,哥哥,,,,,,依依,,,,伯伯,,,,都對住佢笑,,,,同佢講"好野,,,小朋友,,加油呀,,,",,,佢就好似加左"turbo"跑啦,,,,一路上一句句"加油"之聲不絶,,,,唔驚唔覺就到了終點啦,,,,,,,^^成績係1小時30分鐘

沿途我一路同佢介紹下風景,,,嗱呢到就係去澳門既信德中心啦,,,,,呢度就係以前英軍既潻馬艦嗱,,,,同佢上埋公民課,,,,,

係之前我諗都未諗過呀仔跑得完架,,,,!!真係好感謝主俾到呢次咁好既經驗俾我同佢呀,我覺得係一個神蹟黎,,,thanks God!!

後記:番到黎先知有成6千人不適,,,,,,,我地又覺得好輕鬆至噃,,,呀仔重話,,,,"呀爸下次再黎,,,""好呀"