俄羅斯旅遊紮記4

3/8/09 陰

天陰陰既一日,,,如常一早吃早餐,,,亦開始了一天既長征旅程,,,我地乘地鐵1號線去到pushskaya站,,,,(早上搭5號線又撞見巴士呀 嬸,,,同佢真係有緣啦,,,!!臨走前重同佢講"士巴司爸",,,佢當堂好錯愕咁望下我,,,依,,我d俄文掂喎,,,,!!),,,跟住我地轉坐火 車,,,,不過係站到剩係見到好多人排隊,,,又唔知邊條隊買飛喎,,,,,我地好ramdon咁排左一條隊,,,,,!!有個"好樣既大叔望下望下 咁,,,,我重以為不懷好意tim,,,,佢講一論俄文,,,我地都唔知佢講物,,,,,於是我地繼續排隊,,,,,,排到我地時,,,問左個 counter,,,原來我地都係排錯隊,,,,,,佢指指下叫我地左轉右轉,,,,,俾佢點到一頭煙,,,不過都好多謝佢既幫助既,,,,,我地不知怎 算好之際,,太座見到有個著左制服既實Q,,,,佢就行埋去問下啦,,,,,,點知呢位叔叔d英文好得下喎,,,(俄國人中佢算係頭等level one架啦!!^^),問完佢重帶我地去到乘車既地點,,,,真係唔話得呀,,,!!^^我地係2號月台坐火車,,,,照睇旅遊書,,,應該數到第6個站 就落車架啦,,,,點知到我地落車既時候,,,發覺有D唔係好妥,,,皆因都冇人落車既,,,,,個站重要好細,,,,,個名重扺死,,,,叫做21KM 呀,,,,呀玲當然鬧到我豬頭咁啦,,,不過都扺鬧既,,,所以我只有默默地欣然接受啦,,,!!我地問過站務員,,,佢地竟然話唔係好知我地既目的地 喎,,,,!!哈哈,,,,佢地既名勝黎喎,,,,!!@@於是我地就坐係月台等下一班車啦,,,,好彩過了10分鐘,,,火車就到啦,,,,我地只係坐 左一個站,,,然後就出閘坐382號車,,,,最攪笑係我地坐錯左對頭車,,,,個巴士嬸嬸話冇問題呀,,,照坐呀,,,不過就要我地唔好落車,,,坐去 到巴士休息站,,,結果我地又真係坐到一個好多空巴士既休息站,,,,不過就緊係簡陋過香港好多啦,,,,!!我地四個人坐係巴士度呆等,,,我重驚唔知 會唔會俾人搶野TIM呀,,,!!@@,,好彩坐了大約20分鐘,,,嬸嬸真係番黎,,,當堂個心定晒,,,,
車到站後,,,,嬸嬸在路口指示我地要行既方向,,,,我地跟住行就到左要去既嘉芙蓮宮啦,,,,門卷要300盧花園,,,,550盧布行皇宮,,,,入 到去門口有個好有文藝氣息既叔叔,,,,拿住支鋼苖,,,,係度用美妙既音樂歡迎我地,,,,!!個皇宮非常漂亮,,,最重要的,,,,竟然係完全無心理 預備之下,,,俾我有機會親眼見到我夢想見到一面既琥珀宮,,,,,呢個曾經係歷史遺留下來的一個謎,,,,話說300年前德國前身既普魯士皇帝送左一個 由6噸琥珀砌成既琥珀廳給當時俄國既彼得大帝,,,,但當第二次世界大戰時,,,,希特拉指明要將呢個寶藏搶番黎,,,,德軍轟炸完俄國之後,,,呢一個 琥珀宮就從此消失無踪,,,,,有人話係俾戰火毁了,,,亦有人話係俾人偷走左,,,事實係點,,,冇人知!!

呢次去到嘉芙蓮宮,,,竟然無心插柳,,,,,,原來呢個珍品,,,係德軍入境之前,,,皇宮既人已經偷偷咁將琥珀廳一塊塊咁運走,,,放係基督復活教堂 既地牢秘密咁保存,,,但仍有部份因時間緊迫,,被德軍將令拿走,,,,,到左2003年,,,,呢個琥珀廳就係嘉芙蓮宮重開,,,,,,有部份失去既部 份就由專家照原來既相片重新再做,,,,所以有人說,,,呢個可算係世界上既第八大奇蹟,,,,
就係咁,,,呢個咁有文化及價值既文物,,,,竟然俾我置身其中,,,,簡直係發緊夢一樣,,,,!!真係要感謝主呀,,,!!^^
不過參觀既過程,,我第一次俾俄式襲擊,,,,皆因皇宮既職員見我用攝錄機不斷咁影,,,,佢就用手上既大殺傷力武器,,,手搖扇,,向我進行左三次襲擊,,,重用會放死光既眼神射過黎,,,,!!我就邊影邊退,,,,直至走出廳外,,,,雖然呢次肉體上受襲,,,但我都依然覺得好值得,,,,,畢竟俾我實現親眼見到呢個琥珀廳,,,,!!真係要感謝主呀,,,!!^^

離開左皇宮,,,我地就行下佢個花園,,,初時睇以為係好細,,,行下行下,,,原來非常之大,,,,在花園的一角,,我地重見到有外國人穿起公主既服飾,,,係花園擺post影相tim呀,,,,嘩!!好靚呀,,,,,我重提意太座一齊租番套過下王子公主引,,,,,可惜星魚太冇咁既意向,,,,!!@@於是我地就係花園擺幾個騎呢post影相啦,,,,!!

我地沿住花園一路落斜,,,,,見到一個好大既湖,,,,裏頭水平如鏡,,,,,中湖中央重有好多中古時代既建築物,,,,,真係感覺一流,,,,,天氣又好涼爽,,,,四圍都係綠草高樹,,,,,,可以係度閒逛下,,,的確係賞心樂事呀,,,,!!行左都有個半鐘,,,,天色開始暗,,,,,無幾lor重落埋雨tim,,,,,於是我地就打道回府啦,,,,!!係嘉芙蓮宮既火車站等車期間,,,,有個人特突拍一拍我個膊頭,,,,回頭望一望,,,原來係一個當地既呀叔,,,,佢庶起隻大姆指,,,,,意指我地叻叻,,,可以自遊行去到這裏,,,,我地都向佢回報一笑,,,,俄羅斯人既友善態度,,,又再次得到見証呀,,,,!!^^

去到城市既火車站,,,我地重食左街邊既tepemok 薄餅呢,,,,好鬼正呀,,,,!!