承上標題!!(21-40)

21. 係blog度寫99件事 (完成^^)
22. 可以親手種一棵樹(我最喜歡鳳凰木) (進行中)
23. 懂得種非洲紫羅蘭,,,,重好專業,,,,種完送好多俾朋友 (進行中)
24. 養孔雀魚,,,d魚生好多仔,,,,,生完又送好多俾朋友 (完成)
25. 學會一種外語,,而且好流利(英文,法文,德文,韓文,日文,,,,再唔係菲律賓文都得,,,,^^) (進行中)
26. 同舊同學,,,成班"馬蘭奴"去一次旅行
27. 能夠做一餐好飯,,,個個吃完都話頂呱呱
28. 教到好多知識俾呀仔,,,,(呢一項都幾有難度下架) (進行中)
29. 重看一本自己好喜歡既書 (完成)
30. 用鋼琴彈到"夢中的婚禮"
31. 好認真咁清潔好同整理好自己間屋 (成日完成及進行中)
32. 好快樂及好投入自己既工作
33. 整理好我現在工作中的枱頭^^ (進行中)
34. 每逢假期都同呀仔老婆去行山
35. 每逢假期都同呀仔老婆去露營
36. 懂得珍惜每分每秒呀,,,,,^^ (進行中)
37. 懂得去愛別人,,,,無論佢喜歡你或唔鍾意你
38. 常常禱告 (進行中)
39. 可以有時間同親友或朋友去釣魚,,,,,,,
40. 做個有信心又溫柔既人,,,^^ (進行中)

見主前要做的99件事!!!

剛剛睇緊呢本書-"死前要做的99件事",,,,,我地係基督徒,,,當然要改改標題啦,,,,我都寫下希望見主前做到既99件事先,,,^^不過由於一次過寫晒有d困難,,,所以每日刋登少少啦,,,,,
1. 希望我屋企媽媽及哥哥家姐合家相主
2. 希望至少帶一位朋友信主(當然最好有99個啦^^)
3. 一生都榮耀神, 做一個好見證^^
4. 做一日好有信心既信徒,,,,(成日見d牧師同信徒好有信心做每一件事,,,但睇睇自己,,,,咁既@_@)
5. 每天早上都懷住好感恩既心開始一日既工作^^ (進行中)
6. 同老婆及呀仔每年都去一次旅行(長短都唔緊要,,,,,不過最好緊係長線啦^^)
7. 同自己呀媽一家及外家每個月都食一次飯
8. 同呀仔合作打參加親子或男雙羽毛球比賽,(攞冠軍,亞軍,季軍,打呀尾都好^^) (進行中)
9. 改掉老婆唔做運動既習慣,,,重參加比賽(羽毛球,網球,物球都得)
10. 呀仔識玩風帆,同我去希臘橫渡愛琴海,(西貢牛尾海都好),,老婆就做坐上客,,,,

11. 教曉呀仔睇星,,,第時係中國太空總署(到時中國太空總署係全球最威水既)做科學家 (進行中)
12. 教出第一個攞區際羽毛球賽既學生 (進行中)
13. 能幫助每個香港的天文學會做雜工,,,,教人睇星,,,,, (進行中)
14. 係太空館開一場教人睇星的講座
15. 每個月睇一本自己鍾意睇既書 (進行中)
16. 成立一個羽毛球俱樂部,,,,對羽毛球屆做一d貢獻,,,, (進行中)
17. 學習潛水,,,跟住同呀仔老婆去大堡礁玩
18. 好似老布殊咁,,,七十歲玩一次跳傘

19. 養一隻迷你牧羊犬
20. 學懂每棵樹同植物的名同特性, (進行中)

快快找個對手!!

從十來歲到現在,在我的哥哥薰陶下,我都對打羽毛球充滿熱誠,好感謝主,俾到呢個我一生都可以接觸得到的運動給我,,,雖然我不是打得很出色,,,但我在打羽毛球中得著的東西實在太多太多,,,包括健康,友情,人生方向,自尊,自豪,奬杯,生活費,,,,等等不能盡錄

在比賽當中,最開心的不是贏得比賽,反而是可以找到一個和自己實力差不多的對手,,,,全力以赴地打一場,,,看看誰可以笑到最後,勝負其實不是那麼重要呢,,,,最重要還是打完後大家都亙相欣賞對方的那種感覺,,,感謝主,最近又賜給我多一個那樣的對手,,,,,

老兄,,,,不要剩看,,,拿起球拍,,,現在就來一場吧!!!!

好想見妳一面,,,,

最近天文界最大件事,,,莫過於呢一粒MCNAUGHT彗星,,,呢一粒係自1965年來最最最光既彗星,,,,我都好想睇睇佢既廬山真面目,,,,佢星等去雖然係負數(即係代表比普通星星光)不過就因為佢比較近太陽,,,要近日落時係西邊低角度先睇到,,,,,所以想望到佢,,,要係北D既地方先易睇D,,,好似美加咁,,,聽講有人由北京搭飛機番黎時見到佢係西邊既天空喎,,,,真係好想見佢一面呀,,,,^^

主好鍚我!!!!

近來常常都聽到呢句話,,,其實並唔係今日先聽到,,,,不過平時聽完都好似冇聽過咁!!!
今日同個同是信主的弟兄一齊傾偈食飯,,,,,,我地一路傾一路分享,,,,,大家都分享得好開心,,,,,,不過我就俾佢一句"主好鍚我"所吸引住啦,,,他講既時候,,看上去樣子充滿喜悅,,,,,很能感染他人,,,,我就諗啦,,,,我地都應該係咁,,心中面中眼中全身每一個細胞中,,,,只要我地信主,,,就是充滿喜悅,,,只要每天簡簡單單的數算主既恩典,,,,我地都可以發現,,,"主好鍚我呀",,,,如果小弟能將呢個美好既信息傳俾別人,,,,,,,而他又可以說一聲,,,,"主好鍚我呀",,,我諗這就是我地既使命同生存既目的呢,,,,,,!!^^感謝主帶我行的每步路!!

我的至愛午餐!!

每逢午間或晚上十點幾,,,,個肚總會有點點空虛,,,我就會諗起小弟最愛的食品,,,,,"魚片河加醋加辣油+油菜(芥蘭走蠔油)",,今天睇到明報報導筲箕灣東大街有間"安利",,食魚片頭河頂瓜瓜,,,個心即刻飛左去,,,,唔知幾時有得去試下呢,,,,另外我都好掛住灣仔史釗域道既泉記魚蛋粉加魚皮,,,,魚蛋新鮮彈口,,,,魚皮炸得又薄又脆香,,,,,,講講下,,,而家即刻落街買黎食先,,,,^^

好書交流!!

夜晚總有時會羅羅亂訓唔著,,或者半夜醒左又訓唔番,,睇聖經原本係幾好既選擇,,,不過有時都會心思思睇下經外書籍,,,,呢期我剛剛睇完"多走一步",,,係由楊牧谷牧師著既,,,呢本書好薄,,,又有d好得意既漫畫插圖,,,內容都係楊牧谷牧師既勵志散文,,,佢呢本書激勵左唔少年青人上進,,,我第一次聽到呢本書係係電台,,,隔左好久係書店見到,,,都算係一緣份,買到之後都好感恩呀,,,

最近就係書店買左本"死前要做的99件事",,,係書店行行下見到揭左幾頁,,,依,,,又幾好睇喎,,,,好有意思,,書內介紹左幾個人死前想做的幾張清單,,,,,,內容好有趣,,,,作者又在每篇要做的事前介紹一d大人物既名言片語,,,發人深醒,,,,幾好睇^^於是就即刻買左啦,而家減緊價,,$59.4咋,,夜晚又有著落啦,,,好開心呀,,,,!!

新年快樂

今日係1月5號,但今日先得閒D寫BLOG,要先同大家講聲新年進步,快樂知恩先,,,^^今年聖誕及新年沒有太多節目,不過就過得幾平安同舒服,,,,!!先是26號去左街山,,,由經驗挑皮領隊168帶隊,一行八人浩浩蕩蕩向鳳凰山山頂進發,,,,有關詳情可到呢度睇睇!我都有影相架,,,不過就遲一點再post過啦^^ ,因為呢次是5星級難度,所以之前都幾戰戰兢兢架!不過好彩有資深領隊168帶領,,我地B隊攀爬羅漢塔過程雖然驚險,,但我都爬得很安心,,,一路爬都不敢向下望,只管往上方找另一顆穩固石頭握著,加上我地四個勇士互相提醒,最終都能克服上塔頂,過程都有相當多的領受呀,,,,!
跟著29號我地就約埋一大班人到荃灣嗇色園可觀中心聽觀星講座,,,,,個度有野聽,有野睇重有野送tim,最緊要連一毫子都唔洗俾,,,,去邊度揾呀,,,,!如果大家大興趣既話,請留言,下次我預埋你呀^^
有關是次內容可到呢度睇睇!!
30號就約埋兩個教會弟兄去練跑步,準備一下3月份既渣打馬拉松,初時都會冇物信心跑得好,畢竟已經好久沒跑過,,,我事前買了一對新跑鞋$645及一個護膝$128,第一次用,心諗唔知會唔會好上次咁跑完膝頭痛足兩星期呢!
不過到左個日,天氣又幾好喎,,,氣温稍熱,,,場地就冇得頂啦,,,,一個藍色天,紅色跑道,綠色既草地,加埋我一路跑一路背聖經金句同祈禱,,最緊要係感覺到有弟兄與主同行,,感覺非常舒服,跑完十公里之後更加沒有膝蓋痛呢!!對我黎講,,,呢次真係一個好享受既一次經驗!!!真係要感謝主呢!
跑完之後,,,我覺得跑步都好似做人咁,,,跑一步,感恩多一聲,終有一天,幾咁長既路程,都可以好享受同不知不覺咁完成,跑完之後重會好回味呀,,,,!!感謝主給我的提醒,,,,,!!
以上的活動,都另我想起一句金句
兩個人總比一個人好,
因為二人勞碌同得美好的果效
傳道書四章九節